அமைச்சரவையில் பங்கேற்பது குறித்து இன்னும் தீர்மானிக்கவில்லை: மு. காங்கிரஸ்

ஜனாதிபதி மைத்திரிபால சிறிசேனவின் புதிய அரசாங்கத்தில் அமைச்சு பதவிகளை பெறுவதா இல்லையா என்பது குறித்து இன்னும் தீர்மானிக்கவில்லை என ஸ்ரீலங்கா முஸ்லிம் காங்கிரஸின் தேசிய அமைப்பாளர் சபீக் ரஜாப்தீன் தெரிவித்துள்ளார்.
எவ்வாறாயினும் ஜனாதிபதியின் 100 நாள் வேலைத்திட்டத்திற்கு முஸ்லிம் காங்கிரஸ் ஆதரவு வழங்கும். மைத்திரிபால சிறிசேனவின் 100 நாள் வேலைத்திட்டத்திற்கு ஆதரவு வழங்குவது எமது கடமை.

எமது கட்சியின் தலைவருக்கு அமைச்சர் பதவி வழங்கப்பட்டால் அதனை ஏற்றுக்கொள்ள நாங்கள் தயார்.

முஸ்லிம் காங்கிரஸ் இன மத பேதமின்றி செயற்படும். எனினும் நாங்கள் அமைச்சர் பதவியை ஏற்பது குறித்து இன்னும் தீர்மானிக்கவில்லை எனவும் ரஜாப்தீன் குறிப்பிட்டுள்ளார்.