இதுவரையான வாக்குப் பதிவுகளின் விபரம்

ஜனாதிபதித் தேர்தலுக்கான வாக்களிப்பு நடவடிக்கைகள் இன்று காலை 07.00 மணி முதல் ஆரம்பமாகி நடைபெற்று வருகின்றன.

இன்று மாலை 04.00 மணிவரை மக்கள் தமது வாக்குகளைப் பதிவு செய்ய முடியும்.

இதன்படி இன்று காலை 10.00 மணிவரை களுத்துறையில் 20 சதவீத வாக்குப் பதிவுகளும், காலியில் 20 சதவீத வாக்குப் பதிவுகளும், மட்டக்களப்பில் 11.7 சதவீத வாக்குப் பதிவுகளும் இடம்பெற்றுள்ளன.

மேலும் கம்பஹாவில் 35 சதவீத வாக்குகளும், ஹம்பாந்தோட்டையில் 35 சதவீத வாக்குகளும், வவுனியாவில் 30 சதவீத வாக்குகளும், குருநாகலில் 32 சதவீத வாக்குகளும், பதுளையில் 40 சதவீத வாக்குகளும் அளிக்கப்பட்டுள்ளன.

இதேவேளை 10.30 வரையான காலப்பகுதியில் கண்டியில் 40 சதவீதமும், மாத்தளையில் 40 சதவீதமும், மாத்தறையில் 27 சதவீதமும், கிளிநொச்சியில் 30 சதவீதமும் வாக்குகள் பதிவாகியுள்ளன.