ஜே.வி.பியும் ஹெல உறுமயவும் வன்முறையில் ஈடுபடவுள்ளன: தேசிய சுதந்திர முன்னணி

ஜனாதிபதித் தேர்தல் இடம்பெறும் நாளைய தினம் வாக்குச்சாவடிகளுக்கு அருகில் வன்முறை செயல்களை மேற்கொள்ள ஜாதிக ஹெல உறுமயவும் ஜே.வி.பியும் திட்டமிட்டுள்ளதாக தெரியவருவதால், அது குறித்து தேர்தல் ஆணையாளர் மகிந்த தேசப்பிரியவுக்கு தெளிவுப்படுத்த உள்ளதாக தேசிய சுதந்திர முன்னணி தெரிவித்துள்ளது.

கொழும்பில் இன்று நடைபெற்ற ஊடகவியலாளர் சந்திப்பில் உரையாற்றிய முன்னணியின் அரசியல் சபை உறுப்பினர் பியசிறி விஜேநாயக்க, இது குறித்து பொலிஸ் மா அதிபரும் அரசாங்கமும் கவனம் செலுத்த வேண்டும் என கேட்டுக்கொண்டுள்ளார்.

மக்களின் வாக்குரிமையை பாதுகாப்பது அவர்களின் கடமை எனவும் அவர் கூறியுள்ளார்.