யாழில் தேர்தல் ஏற்பாடுகள் பூர்த்தி! பாதுகாப்பு உச்ச நிலையில்

ஜனாதிபதி தேர்தல் நாளைய தினம் நடைபெறவிருக்கும் நிலையில் யாழ்.மத்திய கல்லூரியிலிருந்து இன்றைய தினம் காலை 8 மணிக்கு வாக்கெண்ணும் நிலையங்களுக்கு வாக்குப் பெட்டிகள் சகல வாக்களிப்பு நிலையங்களுக்கும் எடுத்துச் செல்லப்பட்டிருக்கின்றது.
யாழ்.மாவட்டத்தில் அளிக்கப்படும் வாக்குகளை எண்ணுவதற்கான மத்திய நிலையமாக யாழ்.மத்திய கல்லூரி இயங்கவிருக்கும் நிலையில், இன்றைய தினம் மாவட்டத்தில் செயற்படும் 526 வாக்களிப்பு நிலையங்களுக்கும் குறித்த வாக்குப் பெட்டிகள் எடுத்துச் செல்லப்பட்டுள்ளது.

இதேவேளை தேர்தலை ஒட்டி யாழ்.மத்திய கல்லூரிக்குள் நுழையும் சகல வீதிகளும் உச்ச பாதுகாப்பு வழங்கப்பட்டுள்ளது.



மேலும் யாழ்.மாவட்டத்தில் 4லட்சத்து 50ஆயிரத்து 132போர் வாக்களிப்பதற்கு தகுதி பெற்றிருக்கும் நிலையில், மாவட்டத்தில் 36 பிரதான வாக்கெண்ணும் நிலையங்களும், 8 தபால் மூல வாக்கெண்ணும் நிலையங்களுமாக மொத்தமாக யாழ்.மாவட்டத்தில் 44 வாக்கெண்ணும் நிலையங்கள் செயற்படவுள்ளதாக தெரிவிக்கப்படுகின்றது.

இதேவேளை யாழ்.மாவட்டத்தில் சுதந்திரமானதும், நீதியானதுமான வாக்களிப்பு மற்றும் வாக்கெண்ணும் செயற்பாடு நடைபெறும் என யாழ்.மாவட்ட அரசாங்க அதிபரும், தெரிவத்தாட்சி அலுவலருமான சுந்தரம் அருமைநாயகம் தெரிவித்துள்ளார்.