வாக்குறுதியை நிறைவேற்றிய ஜனாதிபதி

2015ம் ஆண்டு ஜனாதிபதித் தேர்தலில் மக்களுக்கு வாய்மொழி மூலமும் எழுத்து மூலமும் வழங்கப்பட்ட அனைத்து வாக்குறுதிகளும் உரிய முறையில் நிறைவேற்றப்படும் என ஜனாதிபதி மைத்திரிபால சிறிசேன தெரிவித்துள்ளார்.
பத்தரமுல்ல ஜீ.எச்.புத்ததாச மைதானத்தில் இன்று நடைபெற்ற வைபவம் ஒன்றில் உரையாற்றும் போதே அவர் இதனை கூறியுள்ளார்.

அரசாங்கத்தின் தேர்தல் வாக்குறுதிகள் காற்றில் சென்று விட்டதாக சிலர் கூறிவருவது குறித்து அனுதாபப்படுவதாகவும் ஜனாதிபதி குறிப்பிட்டுள்ளார்.

இலங்கை மின்சார சபையின் 2 ஆயிரத்து 244 ஊழியர்களுக்கு நிரந்தர நியமனம் வழங்கும் நோக்கில் இந்த வைபவம் ஒழுங்கு செய்யப்பட்டிருந்தது.

2014ம் ஆண்டு டிசம்பரம் 17ம் திகதி இலங்கை மின்சார சபையின் ஊழியர்கள் ஆர்ப்பாட்டத்தில் ஈடுபட்டனர்.

அப்போது பொதுவேட்பாளராக தேர்தலில் களமிறங்கியிருந்த மைத்திரிபால சிறிசேன, ஆர்ப்பாட்டம் நடந்த இடத்திற்கு சென்று வழங்கிய வாக்குறுதிக்கு அமைய இந்த நிரந்தர நியமனங்கள் வழங்கப்பட்டுள்ளன.