நாட்டில் ஒவ்வொரு குடிமகனும் அடிப்படை சட்டத்தை அறிந்திருக்க வேண்டும்!– ஜனாதிபதி

நாட்டிலுள்ள அனைவரும் அடிப்படை சட்டம் தொடர்பில் அறிந்திருக்க வேண்டும் என ஜனாதிபதி மைத்திரிபால சிறிசேன தெரிவித்துள்ளார்.
குருநாகல் - மலியதேவ மகளிர் கல்லூரியில் நேற்று நடைபெற்ற நிகழ்வொன்றில் கலந்துகொண்டு உரையாற்றிய போதே அவர் இதனைக் குறிப்பிட்டார்.

அடிப்படை அறிவில் நாட்டு மக்கள் தெளிவுபெற்றிருப்பது அபிவிருத்தியடைந்த மற்றும் அபிவிருத்தியடைந்து வருகின்ற நாடுகளின் சிறப்பம்சங்கள் என ஜனாதிபதி குறிப்பிட்டுள்ளார்.

சட்டக் கல்லூரிக்கு சென்று சட்டத்துறையில் பட்டப்படிப்பை பெறுவதோடு, நாட்டில் வாழ்கின்ற அனைத்துப் பிரஜைகளும் சட்டம் தொடர்பில் அடிப்படை அறிவைப் பெற்றிருக்க வேண்டும் என அவர் கூறியுள்ளார்.

சட்டத்துறை மாத்திரமன்றி ஏனைய அனைத்து துறைகளிலும் ஒவ்வொரு பிரஜையும் அடிப்படை அறிவைப் பெற்றிருக்க வேண்டும் என ஜனாதிபதி சுட்டிக்காட்டியுள்ளார்.

புதிய தொழில்நுட்பத்தோடு பயணிக்கும் இந்த வர்த்தக சமூகத்தில் இடம்பெறுகின்ற போட்டித் தன்மையுடன் மோதுகின்ற எமக்கு அவசியமான மற்றும் அவசியமற்ற விடயங்களை உணர்ந்துகொள்ள வேண்டும் என ஜனாதிபதி குறிப்பிட்டுள்ளார்.