புதினா சாதம்

தேவையான பொருள்கள்:-

பாசுமதி அரிசி – 2கப்

புதினா இலை – 1கப்

இஞ்சி பூண்டு விழுது – 2ஸ்பூன்

பச்சை மிளகாய் – 3 நம்பர் நீளவாக்கில் நறுக்கியது

கறிவேப்பிலை – 1கொத்து

வேக வைத்த உருளைக்கிழங்கு – 1/2கப் நீளவாக்கில் நறுக்கியது

சின்ன வெங்காயம் – 1கப் நீளவாக்கில் நறுக்கியது

பட்டை, லவங்கம், ஏலக்காய் – 3 நம்பர்

தேங்காய் பால் – 1கப்

தண்ணீர் – 1/2கப்

உப்பு – தேவையான அளவு

நல்லெண்ணெய் – தேவையான அளவு

நெய் – 2ஸ்பூன்
செய்முறை:-

பாசுமதி அரிசியை நன்கு கழுவி 1மணி நேரம் ஊற வைத்துக்கொள்ளவும்.
பின்பு வாணலியில் நெய் ஊற்றி காய்ந்ததும் பட்டை, ஏலக்காய், லவங்கம், புதினா, இஞ்சி பூண்டு விழுது, வெங்காயம் ஆகியவற்றை நன்கு வதக்கி மிக்ஸியில் மைப்போல் அரைத்துக் கொள்ளவும்.
பின்பு குக்கரில் எண்ணெய் ஊற்றி காய்ந்ததும் வெங்காயம், கறிவேப்பிலை, உருளைக்கிழங்கு, பச்சை மிளகாய் ஆகியவற்றை நன்கு வதக்கவும்.
அதனுடன் ஊறிய அரிசி, அரைத்த கலவை, தேவையான அளவு உப்பு, தேங்காய் பால், தண்ணீர் ஆகியவற்றை சேர்த்து நன்கு கலந்து குக்கரை மூடி 1விசில் 5நிமிடம் வந்தவுடன் அணைத்து விடவும்.
விசில் சத்தம் அடங்கியவுடன் தேவைப்படும் போது எடுத்து பரிமாறவும்.
சுவையான புதினா சாதம் தயார்.