இந்துக் கடவுள்களை அசிங்கப்படுத்திய மகிந்த! குப்பையில் வீசப்பட்ட தெய்வங்கள்

ஜனாதிபதி மகிந்த ராஜபக்ச தன் தேர்தல் பிரச்சாரத்திற்காக பயன்படுத்தும் அட்டைகளில் இந்துக்களின் தெய்வங்களின் படங்களை பொறித்து வெற்றிலை சின்னத்தை இட்டு, இந்து சமயத்தையும் இந்து மக்களையும் மிகவும் மேசமான முறையில் அவமதித்துள்ளார்.

மகிந்த ராஜபக்சவின் தேர்தல் பிரச்சார அட்டைகளில் இந்துக்களின் தெய்வங்களான பிள்ளையார், கிருஸ்ண பரமாத்மா ஆகியோரின் படங்கள் பொறிக்கப்பட்டுள்ளன.

பௌத்த மதத்தின் தெய்வமான புத்தபெருமானை மகிந்த பயன்படுத்த முடியுமா? முடியாது.

அப்படி பயன்படுத்தி இருந்தால் பௌத்த மக்கள் மகிந்தவின் மீது போர்க்கொடி தூக்கியிருப்பார்கள். ஆனால் தமிழர்களும் தமிழர்களின் தெய்வங்களும் இழிவாக படுவதாலேயே இத்தகைய வேலையை மகிந்த ராஜபக்ச சர்வாதிகாரப் போக்குடன் செய்துள்ளார் என இந்துமத பெரியார்கள் தெரிவிக்கின்றனர்.

வெளிப்படையாக மகிந்தவுக்கு எதிராக, இந்த செயலுக்கு எதிராக குரல் கொடுக்க முடியாத நிலையில் இந்து மத குருமார்கள் மனம்குமுறி நிற்கின்றனர்.

மகிந்தவின் மீதுள்ள வெறுப்பினால் மகிந்தவால் பிரச்சாரத்திற்காக பயன்படுத்தப்படும் பிரச்சார அட்டைகளில் பொறிக்கப்பட்டுள்ள தெய்வங்களும் குப்பைக் கூடைகளுக்குள்ளும் கிழிந்த நிலையிலும் பரிதாபமாக கிடக்க வேண்டிய நிர்ப்பந்தம் ஏற்பட்டுள்ளது.