ஜனாதிபதித் தேர்தல் தொடர்பாக கடற்படையினருக்கு அறிவுறுத்தல் வழங்கிய யோஷித்த!

எதிர்வரும் ஜனாதிபதித் தேர்தலின் போது கடற்படையினர் எவ்வாறு செயற்பட வேண்டும் என்பது குறித்து யோஷித்த ராஜபக்ஷ அறிவுரை வழங்கியுள்ளார்.
இதுதொடர்பான கலந்துரையாடல் ஒன்று நேற்று கடற்படைத் தளபதியின் தலைமையகத்தில் கொழும்பில் நடைபெற்றுள்ளது. இதில் கடற்படைத் தளபதி தலைமையில் முக்கிய உறுப்பினர்கள் அனைவரும் கலந்து கொண்டுள்ளனர்.

இங்கு கருத்து வெளியிட்டுள்ள ஜனாதிபதியின் இரண்டாம் புதல்வரான யோஷித்த ராஜபக்ஷ, ஜனாதிபதியின் வெற்றிக்கு கடற்படையின் முக்கிய பங்களிப்பு வழங்கப்பட வேண்டும் என்று வலியுறுத்தியுள்ளார்.

தற்போதைய கடற்படைத்தளபதி ஜயந்த பெரேரா, ஜனாதிபதியின் தயவில் குறித்த பதவியைப் பெற்றுக் கொண்டவர் என்பது குறிப்பிடத்தக்கது. இதன் காரணமாக ராஜபக்ஷவினருக்காக அவர் எந்த வகையான உதவியையும் செய்யத் தயாராக இருப்பதாகவும் உறுதியளித்துள்ளார்.

கடற்படைத் தளபதியின் அனுசரணை காரணமாகவே லெப்டினன்ட் போன்ற உயர் பதவியில் இருந்து கொண்டு, யோஷித்த ராஜபக்ஷ கடற்படை பணிக்குச் செல்லாமல் அலரி மாளிகையில் இருந்து கொண்டு ரகர் விளையாடிக் கொண்டிருக்க முடிகின்றது என்பது பகிரங்க ரகசியமாகும்.