வெள்ளத்தில் அடித்துச் செல்லப்பட்டவர் சடலமாக மீட்பு: அம்பாறையில் சம்பவம்

அம்பாறையில் உள்ள துறைநீலாவணை ஆற்றில் கரையொதுங்கிய நிலையில் சடலமொன்று மீட்கப்பட்டுள்ளதாக பொலிஸார் தெரிவித்துள்ளனர்.

இந்த சடலம் இன்று காலை மீட்கப்பட்டதாக கல்முனை பொலிஸார் தெரிவித்தனர்.

காக்காச்சிவட்டையைச் சேர்ந்த 34 வயதுடைய கே. யோகராசா என்பவரே இவ்வாறு சடலமாக மீட்கப்பட்டுள்ளதாக அடையாளம் காணப்பட்டுள்ளார்.

கடந்த 24ஆம் திகதி கிட்டங்கி வீதியை இரண்டு இளைஞர்கள் கடக்க முற்பட்டபோது வெள்ளத்தினால் அடித்துச் செல்லப்பட்டிருந்தனர். இதன்போது இருவரில் ஒருவர் நீந்தி கரையை அடைந்திருந்ததோடு மற்றையவர் காணாமல் போயிருந்தார்.

இந்த நிலையில் ஒரு வாரத்திற்குப் பின்னர் சடலமாக அவர் மீட்கப்பட்டுள்ளார். சடலம் பிரேத பரிசோதனைக்காக வைத்தியசாலையில் வைக்கப்பட்டுள்ளதோடு, இது தொடர்பான மேலதிக விசாரணைகளை மேற்கொண்டு வருவதாக கல்முனை பொலிஸார் தெரிவித்துள்ளனர்.