அரசாங்கம் கண்காட்சியை மட்டுமே நடத்துகிறது: குணதாச அமரசேகர

மைத்திரி – ரணில் தலைமையிலான அரசாங்கம் பதவிக்கு வந்த நாளில் இருந்து கண்காட்சிகளை மட்டுமே நடத்தி வருவதாக சிங்கள தேசிய அமைப்புகளின் ஒருங்கிணைப்பாளர் குணதாச அமரசேகர தெரிவித்துள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் உரையாற்றும் போதே அவர் இதனை கூறியுள்ளார்.

நாட்டில் காணப்படும் பிரச்சினைகளை மக்கள் மறந்து போவதற்காக இவ்வாறான கண்காட்சிகள் நடத்தப்படுகிறது. அவன்கார்ட் பிரச்சினையும் அப்படியான கண்காட்சியே.

நாட்டின் தலையெழுத்துக்கு பாரிய பிரச்சினை ஏற்பட்டுள்ளது.

வடக்கு மாகாண சபை நாகதீப என்ற பெயரை நயினா தீவு என பெயர் மாற்றம் செய்யும் யோசனையை கொண்டு வந்துள்ளது. வடக்கு முதலமைச்சர் தனது வேலையை கச்சிதமாக செய்து வருகிறார்.

கைதிகள் என் கூறி புலிப் பயங்கரவாதிகளை விடுதலை செய்து வருகின்றனர் எனவும் குணதாச அமரசேகர குறிப்பிட்டுள்ளார்.