ஒலியைவிட அதிக வேகத்தில் சென்று இலக்கை தாக்கும் பிரம்மோஸ் ஏவுகணை: வெற்றிகரமாக சோதனை

ஒலியைவிட அதிக வேகத்தில் சென்று இலக்கை தாக்கும் பிரம்மோஸ் ஏவுகணை வெற்றிகரமாக சோதனை செய்யப்பட்டுள்ளது.

இன்று மதியம் ராஜஸ்தான் மாநிலம் பொக்ரானில் இருந்து செலுத்தப்பட்ட பிரம்மோஸ் ஏவுகணை, மொபைல் அட்டானமஸ் லாஞ்சர் (Mobile Autonomous Launcher) மூலம் செலுத்தப்பட்டுள்ளது.

இந்த ஏவுகனை, ரேடார்களின் கண்காணிப்பில் சிக்காமல் மிகவும் தாழ்வாகப் பறக்கும்.

மேலும், நிலம், கப்பல், நீர்மூழ்கிக் கப்பல்கள், விமானங்கள் ஆகியுவற்றிலிருந்தும் இதை ஏவலாம் என்பது குறிப்பிடத்தக்கது.

பிரம்மோஸ் ஏரோஸ்பேஸ் நிறுவனத்தின் தலைவர் சுதிர் மிஹ்ரா கூறுகையில், இந்திய ராணுவத்தில் உள்ள ஏவுகணைகளில் மிக துல்லியமாக இலக்கை தாக்குவதில் பிரம்மோஸ் ஏவுகணை சிறப்பிடம் பெற்றுள்ளதாக தெரிவித்துள்ளார்.

8.4 மீற்றர் நீளம் உள்ள இந்த ஏவுகணை ஒலியை விட 2.9 மடங்கு வேகத்தில் செல்லலும்.

290 கிலோமீற்றர் தூரம் பாயக் கூடிய இந்த ஏவுகணையில் 300 கிலோ வெடிபொருட்களை பொருத்த முடியும்.