உள்நாட்டு விசாரணையில் வெளிநாட்டு நீதிபதிகள் அவசியம்!– வடக்கு முதல்வர்

போர் குற்றங்கள் தொடர்பில் விசாரணை நடத்த அரசாங்கம் ஸ்தாபிக்க போகும் தேசிய விசாரணைப் பொறிமுறைக்கு தமிழ்த் தேசியக் கூட்டமைப்பு சில யோசனைகளை முன்வைக்க உள்ளது.
தமிழ்த் தேசியக் கூட்டமைப்பு அடுத்த வாரம் இந்த யோசனைகளை ஜனாதிபதி மைத்திரிபால சிறிசேனவிடம் கையளிக்க உள்ளது.

அதேவேளை ஸ்தாபிக்கப்பட போகும் உள்நாட்டு விசாரணைப் பொறிமுறைக்கு வெளிநாட்டு நீதிபதிகள் அவசியம் என வடக்கு முதலமைச்சர் சீ.வி. விக்னேஸ்வரன் வலியுறுத்தியுள்ளார்.

யாழ்ப்பாணத்திற்கு விஜயம் மேற்கொண்ட ஜப்பானிய தூதுவர் நெனிச் சுகுவாவிடம் அவர் இதனை கூறியுள்ளார்.

உள்நாட்டு பொறிமுறையில் இலங்கை நீதிபதிகள் நியமிக்கப்பட்டால், போர் குற்றவாளிகள் விடுதலையடைந்து விடுவார்கள் எனவும் முதலமைச்சர் சுட்டிக்காட்டியுள்ளார்.

இலங்கையில் தமிழ் நீதிபதிகள் இருந்த போதிலும் அவர் சரியான தீர்மானத்தை எடுக்க மாட்டார்கள் என்றும் அவர் மேலும் குறிப்பிட்டுள்ளார்.