லண்டன் நம்பிக்கை ஒளி இணைக்கும் இதயங்கள் அறக்கட்டளை வெள்ளத்தால் பாதிக்கப்பட்ட கோணாவில் மக்களுக்கு உதவி

தொடர்மழை காரணமாக மக்கள் பாதிப்புக்கு உள்ளாகி, நாடு முழுதும் மக்கள் பொது இடங்களிலும் பாடசாலைகளிலும் தங்கியிருக்க வேண்டியிருக்க வேண்டிய நிலையில் உள்ளனர்.

கிளிநொச்சியிலும் எல்லா பிரதேச செயலர் பிரிவுகளிலும் மக்கள் வெள்ளப்பாதிப்புக்களால் இடம்பெயர்ந்து பல்வேறு பொது இடங்கள் பாடசாலைகள் மற்றும் சனசமூக நிலையங்கள் என பல இடங்களில் தங்கியுள்ளனர்.

இந்நிலையில் இவர்களுக்கு உடனடியாக உதவிகளை செய்யும் வகையில் பா.உறுப்பினர் சி.சிறீதரன் தலைமையில் தமிழ் தேசிய கூட்டமைப்பின் அனர்த்த முகாமைத்துவ பிரிவு, புலம் உறவுகளின் அமைப்புக்கள், உள்ளூரில் உள்ள கருணை உள்ளங்கள் மற்றும் வடமாகாண சபையின் விவசாய அமைப்பு என்பவற்றை இணைத்து இயங்கிவருவதுடன் மக்களுக்கு நேரடியாக சென்று உலர் உணவுப் பொதிகள் குழந்தைகளுக்கான பால் மா பிஸ்கட் என்பவற்றை வழங்கி வருகின்றது.

நேற்று கோணாவிலில் வெள்ளத்தால் பாதிக்கப்பட்ட மக்களுக்கு லண்டன் நம்பிக்கை ஒளி அமைப்பின் இணைக்கும் இதயங்கள் அறக்கட்டளை வழங்கியுள்ளது.

இந்த பணிகளில் பா.உறுப்பினர்சி சிறீதரன், நம்பிக்கை ஒளி அமைப்பின் இணைப்பாளர் சுபாஸ், வடமாகாண சபை உறுப்பினர் பசுபதிப்பிள்ளை, கரைச்சி பிரதேச சபை உறுப்பினர்களான சுப்பையா, தயாபரன், அக்கராயன் பிரதேச கட்சியின் அமைப்பாளர் கரன், கட்சியின் மாவட்டத்தின் இளைஞர் அணி செயலாளர் சர்வானந்தா உட்பட கிராம அபிவிருத்தி சங்க உறுப்பினர்கள் ஈடுபட்டுள்ளனர்.