உலகளவில் பலம் வாய்ந்த நபர்களின் பட்டியலில் மோடி

உலகளவில் பலம் வாய்ந்த 10 நபர்கள் தொடர்பாக ஃபொர்ப்ஸ் பத்திரிகை வெளியிட்டுள்ள பட்டியலில் இந்திய பிரதமர் நரேந்திர மோடி 9வது இடத்தை பிடித்துள்ளார்.

அமெரிக்காவை சேர்ந்த ஃபொர்ப்ஸ் பத்திரிகை ஆண்டுதோறும் உலக அளவில் சக்தி வாய்ந்த பத்து நபர்கள் தொடர்பான பட்டியலை வெளியிட்டு வருகிறது.

இந்நிலையில் இந்த ஆண்டு அந்த பத்திரிகை வெளியிட்டுள்ள பட்டியலில் ரஷ்யாவின் அதிபர் விளாடிமிர் புடின் முதலிடத்தை பிடித்துள்ளார்.

ஜேர்மனியின் சான்சலர் ஏஞ்சலா மேர்கெல் இரண்டாவது இடத்தை பிடித்துள்ளார்.

அமெரிக்க அதிபர் ஒபாமாவுக்கு மூன்றாவது இடமே கிடைத்துள்ளது. அதேவேளையில் இந்திய பிரதமர் நரேந்திர மோடி 9வது இடத்தை பிடித்துள்ளார்.

கடந்த ஆண்டு வெளியிடப்பட்ட பட்டியலில் 15வது இடத்தில் இருந்த பிரதமர் மோடி 6 இடங்கள் முன்னேற்றம் அடைந்து முதல் முறையாக 10 இடங்களுக்குள் வந்துள்ளார் என்பது குறிப்பிடத்தக்கது.

இந்தியாவின் முகேஷ் அம்பானி மற்றும் லக்‌ஷ்மி மிட்டல் ஆகியோர் முறையே 36 மற்றும் 55 வது இடங்களை பிடித்துள்ளனர்.

முதல் பத்து இடங்களை பிடித்தவர்களின் பெயர் வருமாறு,

1.விளாடிமீர் புடின்- அதிபர், ரஷ்யா

2.ஏஞ்சலா மேர்கெல் சான்சலர், ஜேர்மனி

3.பாராக் ஒபாமா – அதிபர், அமெரிக்கா

4.போப் பிரான்சிஸ்- போப், ரோமன் கத்தோலிக்க திருச்சபை

5.ஷி ஜின்பிங் – சீன கம்யூனிஸ்ட் கட்சியின் பொதுச் செயலாளர்

6.பில் கேட்ஸ் – பில் & மெலிண்டா கேட்ஸ் தொண்டு நிறுவனத்தின் தலைவர்

7. ஜெனட் யெல்லென் - ஃப்டரல் வங்கியின் சேர்மென்

8.டேவிட் கமெரூன் -பிரித்தானிய பிரதமர்

9.நரேந்திர மோடி - இந்திய பிரதமர்

10.லாரி பேஜ்- கூகுள் நிறுவனத்தின் துணை நிறுவனர்.