ரஹ்மானுக்கு மேலும் ஒரு விருது

தமிழில் இசையமைப்பாளராக பிரபலமான ரஹ்மான் இந்திக்கு சென்று அங்கும் வெற்றிக்கு கொடி நாட்டினார்.அதன்பின் ஹாலிவுட் படங்களுக்கு இசையமைத்து ஆஸ்கர் விருதையும் வென்றார். இன்னும் தேசிய விருது, பிலிம்பேர் விருது உட்பட எண்ணற்ற விருதை வாங்கி குவித்துள்ளார்.இந்நிலையில் பிரபல பாடகி லதா மங்கேஷ்கரின் சகோதரர் ஹருதயநாத் மங்கேஷ்கரின் பிறந்தநாளில் வருடந்தோறும் அவர் பெயரில் வழங்கப்படும் விருது இம்முறை ரஹ்மானுக்கு கிடைத்துள்ளது.இதற்கு முன் இந்த விருதினை பிரபல பாடகிகளான லதா மங்கேஷ்கர், ஆஷா போஸ்லே, நடிகர் அமிதாப் பச்சன், நடிகை சுலோச்சனா ஆகியோருக்கு வழங்கப்பட்டது.ரஹ்மான் தற்போது தமிழில் சூர்யாவின் 24, சிம்புவின் அச்சம் என்பது மடமையடா படத்துக்கு இசையமைத்து வருகிறார்.