திமுக ஆட்சியின் போது நடந்த தவறுக்கு நானும் துணை போயிருக்கலாம்: ஸ்டாலின்

கடந்த திமுக ஆட்சியின் போது நடந்த தவறுக்கு நானும் துணை போயிருக்கலாம் என்று திமுக பொருளாளர் ஸ்டாலின் பேசியுள்ளார்.
திமுக பொருளாளர் ஸ்டாலின் தமிழகத்தில் உள்ள அனைத்து தொகுதி மக்களையும் நேரில் சந்திக்கும் முயற்சியாக நமக்கு நாமே விடியல் மீட்பு பயணத்தை மேற்கொண்டு வருகிறார்.

இரண்டு கட்ட பயணங்களை வெற்றிகரமாக முடித்துள்ள ஸ்டாலின் மூன்றாம் கட்ட நமக்கு நாமே விடியல் மீட்பு பயணத்தை நேற்று சேலத்தில் துவக்கியுள்ளார்.

அப்போது ஸ்டாலின் பேசுகையில், வரும் திமுக ஆட்சியில், 'கரப்ஷன், கலெக்ஷன், கமிஷன்' இல்லாத ஆட்சி இருக்கும்.

கடந்த திமுக ஆட்சியின் போது, சிலர் தவறுகளில் ஈடுபட்டனர்; அதற்கு, நானும் துணை போயிருக்கலாம். அந்த தவறுகள் இனி இருக்காது என தெரிவித்துள்ளார்.