பல்வேறு திருட்டு சம்பவங்களுடன் தொடர்புடைய சந்தேக நபர் கைது

பணம் மற்றும் நகைகளை கொள்ளையிட்டதாக சந்தேகிக்கப்படும் நபர் கம்பஹா உடுகம்பொல பிரதேசத்தில் வைத்து கைது செய்யப்பட்டுள்ளார்.
கம்பஹா பிரதேசத்தில் தீர்வு காணாத குற்றங்கள் பற்றி விசாரணை மேற்கொள்ளும் விசாரணை பிரிவு அதிகாரிகளால் மேற்கொள்ளப்பட்ட சுற்றிவளைப்பின் போது, சந்தேக நபர் கைது செய்யப்பட்டுள்ளதாக பொலிஸார் தெரிவித்துள்ளார்.

சந்தேக நபரிடமிருந்து பல்வேறு நிறைகளிலான, தங்க சங்கிலிகள், தங்க மோதிரங்கள், தங்க காப்புகள் உட்பட திருடப்பட்ட பல பொருட்களை பொலிஸார் கைப்பற்றியுள்ளனர்.

கைது செய்யப்பட்டவர் உடுகம்பொல பிரசேத்தை சேர்ந்த 29 வயதுடைய நபராகும்.

சதேக நபர் இன்று கம்பஹா நீதிமன்றில் ஆஜர்படுத்தப்படவுள்ள நிலையில் பொலிஸார் மேலதிக விசாரணைகளை மேற்கொண்டு வருகின்றனர்.