பெண் தோழிகளுடன் உல்லாசமாக இருக்க கொள்ளையர்களாக மாறும் சிறுவர்கள்: அதிர்ச்சி தகவல்

சென்னையில் சிறுவர்கள் சிலர், தங்களது பெண் தோழிகளுக்கு செலவு செய்ய வழிப்பறியில் ஈடுபடுவது தற்போது தெரியவந்துள்ளது.
சென்னையில் செயின் பறிப்பு, திருட்டு, கொள்ளை, வழிப்பறி உள்ளிட்ட சம்பவங்கள் தொடர்ந்து வருகிறது.

திருட்டு நடக்கும் இடத்தில் கிடைக்கும் கை ரேகைகள் காவல் நிலையத்தில் உள்ள கை ரேகை பட்டியலில் ஒத்து போகாததால், இந்த சம்பவங்களில் ஈடுபடுபவர்கள் புது கொள்ளையர்களாக இருக்கலாம் என்று சந்தேகம் எழுந்துள்ளது.

மேலும், அவர்களில் சிலர் கல்லூரி மற்றும் பள்ளி மாணவர்களாக இருப்பதாக பொலிசார் தெரிவித்துள்ளனர்.

எளிதில் பணம் சம்பாதிக்கவும், ஆடம்பரமாக வாழவும், பெண் தோழிகளுக்கு செலவு செய்து உல்லாசமாக இருக்க வேண்டும் என்ற நோக்கத்திலும் இவர்கள் இந்த குற்ற செயல்களில் ஈடுபடுகின்றனர்.

நுங்கம்பாக்கத்தில் பைக் திருட்டில் ஈடுபட்ட 15 வயது சிறுவனை பொலிசார் சுற்றி வளைத்து கைது செய்துள்ளனர்.

ஆனால் இதுபோல் குற்ற சம்பவங்கள் தொடர்ந்து நடந்து கொண்டே தான் உள்ளது. எனவே, இந்த வழக்குகளில் பொலிசார் சம்பந்தபட்ட குற்றவாளிகளை கண்டறிய முடியாத நிலையில் உள்ளனர்.