வைத்தியராக வருவதே எனது இலட்சியம்! யாழ் மாவட்டத்தில் முதலிடம் பெற்ற மாணவன்

வைத்தியராக வருவதே என் இலட்சியம். வைத்தியராகி மக்களுக்கு சேவை செய்வேன் என ஐந்தாமாண்டு புலமைபரிசில் பரீட்சையில் யாழ்.மாவட்டத்தில் முதல் இடத்தை பெற்ற மாணவன் சோதிநாதன் வசீகரன் தெரிவித்துள்ளார்.
யாழ்.ஜோன்பொஸ்கோ பாடசாலை மாணவன் 192 புள்ளிகளை பெற்று முதலாம் இடத்தை பெற்றுள்ளார். இந்த பெறுபேற்றை பெறுவதற்கு கடுமையாக உழைத்ததாகவும் தனது கல்விக்கு உழைத்த பெற்றோர், ஆசிரியர்களுக்கு நன்றி தெரிவித்துள்ளார்.

இதேவேளை இரண்டாவது இடத்தை பெற்ற மாணவன் சிவஞானம் துளசிகன் தானும் வைத்தியராவதே இலட்சியம் என தெரிவித்துள்ளார். யாழ்.இந்துக்கல்லூரியை சேர்ந்த இந்த மாணவனும் தனது பெற்றோர் ஆசிரியர்களுக்கு நன்றி தெரிவித்துள்ளார்.