பச்சை பயறு மிளகு மசாலா

தேவையான பொருட்கள்:
பச்சை பயறு – 1 கப்
தனியாத்தூள் – 2 டீஸ்பூன்
மிளகுத்தூள் – 1 டீஸ்பூன்
மஞ்சள்தூள் – 1/4 டீஸ்பூன்
பச்சை மிளகாய் – 2
தேங்காய்எண்ணெய் – 1 டீஸ்பூன்
உப்பு - 1 டீஸ்பூன் அல்லது தேவைக்கேற்றவாறு
செய்முறை:
பச்சைப்பயறை 6 மணி நேரம் அல்லது இரவு முழுவதும் ஊற விடவும். ஊறிய பின், நன்றாகக் கழுவி நீரை வடித்து விட்டு, குக்கரில் போட்டு நல்லத்தண்ணீர் 2 கப் விட்டு 1 அல்லது 2 விசில் வரை வேக வைத்தெடுக்கவும்.
ஒரு வாணலியில் எண்ணை விட்டு, அதில் பச்சை மிளகாயைக் கீறிப் போட்டு வதக்கவும். பின்னர் அதில் வேக வைத்த பயறை, வெந்த நீருடன் அப்படியே ஊற்றவும். அதில் மஞ்சள் தூள், தனியாத்தூள், மிளகுத்தூள், உப்பு சேர்த்துக் கிளறி விடவும். மூடி போட்டு ஓரிரு நிமிடங்கள் கொதிக்க விட்டு இறக்கி வைக்கவும்.
சப்பாத்திக்கு தொட்டுக் கொள்ள சுவையான மசாலா இது. குழாய்ப்புட்டுடனும் சேர்த்து சாப்பிடலாம்.