பிரகித் கொலையின் சந்தேக நபர்களிடம் கிரிதலை முகாமில் விசாரணை : ருவண் குணசேகர

ஊடகவியலாளர் பிரகித் எக்னெலிகொட காணாமல் போன சம்பவத்துடன் கைது செய்யப்பட்டுள்ள 11 சந்தேக நபர்களையும் இம் மாதம் 13ஆம் திகதிக்கு முன்னர் கிரிதலை இராணுவ முகாமிற்கு அழைத்து சென்று விசாரணை மேற்கொள்ளப்படவுள்ளது.
இவர்களிடம் தொடர்ந்து குற்றப்புலனாய்வுப் பிரிவினர் தடுத்து வைத்து விசாரணை மேற்கொள்ளப்படுவதாக பொலிஸ் ஊடக பேச்சாளர் ருவண் குணசேகர தெரிவித்துள்ளார்.

பிரகித் எக்னெலிகொட தடுத்து வைக்கப்பட்டதாக கூறப்படுகின்ற கிரிதலை முகாமிற்கு இச் சந்தேக நபர்களை அழைத்து சென்று விசாரணை மேற்கொள்ளுமாறு சட்டமா அதிபரிடமிருந்து ஆலோசனை வழங்கப்பட்டுள்ளதாக பொலிஸ் ஊடக பேச்சாளர் குறிப்பிட்டுள்ளார்.

பொலிஸ் ஊடக பிரிவு வெளியிட்டுள்ள அறிக்கையில் குறிப்பிட்டுள்ளதாவது,

கடந்த 28ஆம் திகதி நீதிமன்றில் பெற்றுகொண்ட உத்தரவுக்கமைய இம் மாதம் 03 மற்றும் 13ஆம் திகதிக்கு இடையிலான காலப்பகுதிக்குள் சந்தேக நபர்களை குறித்த முகாமிற்கு அழைத்து செல்லுமாறு கூறப்பட்டுள்ளது.