ஜெயலலிதாவின் "தொலைபேசி எண்" கேட்ட ஸ்டாலின்

நாட்டில் உள்ள பிரச்சனைகளை தெரிவிப்பதற்காக தமிழக முதல்வரின் தொலைபேசி எண்ணை வழங்குவார்களா என்று திமுக பொருளாளர் ஸ்டாலின் கேள்வி எழுப்பியுள்ளார்.
"நமக்கு நாமே" என்ற பெயரில் தமிழகத்தில் சுற்றுப் பயணம் செய்து வரும், தி.மு.க பொருளாளர் ஸ்டாலின் திருச்சி மாவட்டத்தில் உள்ள, ஒன்பது சட்டசபை தொகுதிகளில் நேற்று பயணம் செய்தார்.

அதில், ஸ்டாலின் பேசியதாவது, நான்கரை ஆண்டு அதிமுக ஆட்சியில் முதல்வர் என்ற ஒருவர் இருக்கிறாரா என்பதே தெரியவில்லை.

அவசர சிகிச்சைப் பிரிவில் இருந்த அதிமுக ஆட்சி, இப்போது கோமா நிலைக்கு சென்றுள்ளது.

மக்கள் பிரச்சனை குறித்து, நான் ஆய்வு செய்து வருகிறேன், ஆனால், முதல்வரோ சிறுதாவூரில் ஓய்வு எடுத்து வருகிறார்.

மேலும், மகளிருக்கு அலைபேசி கொடுப்பவர்கள், முதல்வரின் அலைபேசி எண்ணை, மக்களுக்கு வழங்குவார்களா, நாட்டில் உள்ள பிரச்சனைகளை, அவரிடம் தெரிவிக்க நானும், தமிழக மக்களும் ஆர்வமாக இருக்கிறோம் என்று கூறியுள்ளார்.