நாட்டுக்காகவே வாழ்ந்து, நாட்டுக்காகவே இறப்பேன்: தன் தாயை நினைத்துக் கண்ணீர் சிந்திய மோடி

அமெரிக்காவின் கலிபோர்னியா மாநிலத்தின் சான் ஜோஸ் நகரில் சுமார் இருபதாயிரம் அமெரிக்காவாழ் இந்தியர்கள் மத்தியில் பிரதமர் மோடி உரையாற்றினார்.
இந்தியர்கள் மத்தியில் பிரதமர் மோடி பேசுகையில், கடந்த 16 மாதங்களாக இந்தியாவைப் பற்றிய உலக நாடுகளின் அபிப்ராயம் வெகுவாக மாறியுள்ளது.

21-ம் நூற்றாண்டு, இந்தியாவின் நூற்றாண்டு என மக்கள் பேச தொடங்கியுள்ளனர்.

இந்த மாற்றத்துக்கு இந்தியாவில் உள்ள 125 கோடி மக்களின் பலம் மற்றும் அர்ப்பணிப்புணர்வு முக்கிய காரணமாகும்.

வெறும் பதினைந்தே மாதங்களில் இந்தியா புதிய அயரத்தை எட்டி, பொருளாதாரத்தில் ஸ்திரத்தன்மையை அடைந்துள்ளது.

எனது வாழ்க்கையின் ஒவ்வொரு நிமிடத்தையும் இந்த நாட்டின் சேவைக்காக நான் செலவிட்டு வருகிறேன்.

மேலும், இந்த நாட்டுக்காகவே வாழ்ந்து, நாட்டுக்காகவே இறப்பேன் என்று தெரிவித்துள்ளார்.