அரசாங்கத்தின் தவறுகளுக்கு ஜே.வி.பி. பொறுப்புக்கூற வேண்டும்: சோமவங்ச அமரசிங்க

தேசிய அரசாங்கத்தின் தவறுகளுக்கு ஜே.வி.பி. பொறுப்புக்கூற வேண்டுமென்று அதன் முன்னாள் தலைவர் சோமவங்ச அமரசிங்க தெரிவித்துள்ளார்.
ஜே.வி.பி. யின் முன்னாள் தலைவர் சோமவங்க அமரசிங்க தற்போது அக்கட்சியிலிருந்து விலகி தனிக்கட்சியொன்றை ஆரம்பித்து, அரசியல் செயற்பாடுகளை முன்னெடுக்கின்றார்.

அத்துடன் கட்சியின் தற்போதைய தலைவர் அனுரகுமார திசாநாயக்க, செயலாளர் டில்வின் சில்வா, பிரச்சாரச் செயலாளர் விஜித ஹேரத் ஆகியோர் மீது கடுமையான விமர்சனங்களையும் முன்வைத்து வருகின்றார்.

இந்நிலையில் தேசிய அரசாங்கத்தை அதிகாரத்துக்குக் கொண்டுவருவதில் ஜே.வி.பி.யின் புதிய தலைமைத்துவம் உள்ளிட்ட முக்கியஸ்தர்கள் பாரிய பங்களிப்புச் செய்துள்ளதாக சோமவங்ச அமரசிங்க குற்றம் சாட்டியுள்ளார்.

எனவே இந்த அரசாங்கம் மேற்கொள்ளும் அனைத்துத் தவறுகளுக்கும் ஜே.வி.பி.யின் தற்போதைய முக்கியஸ்தர்கள் பொறுப்புக் கூற வேண்டும் என்றும் அவர் தெரிவித்துள்ளார்.