மஹிந்த பொதுவிசாரணைக்கு உட்படுத்தப்படவுள்ளார்

115 மில்லியன் ரூபாய்களை விளம்பரம் தொடர்பில் ஐடிஎன் தொலைக்காட்சிக்கு செலுத்தாமை தொடர்பில் நாடாளுமன்ற உறுப்பினர் மஹிந்த ராஜபக்ச, பொதுவிசாரணைக்கு உட்படுத்தப்படவுள்ளார்.
கடந்த ஜனாதிபதி தேர்தலின்போது அவருக்காக ஒளிபரப்பப்பட்ட விளம்பரங்களுக்காகவே இந்த பணம் செலுத்தப்படாமலிருந்து வருகிறது.

ஏற்கனவே பாரிய ஊழல்கள் தொடர்பான ஜனாதிபதி ஆணைக்குழு இது தொடர்பில் விசாரணை நடத்தியபோது அந்த பணத்துக்கு கட்சியே பொறுப்பு என்று மஹிந்த தெரிவித்திருந்தார்.

இந்தநிலையிலேயே அவருக்கு எதிராக பொதுவிசாரணை நடத்தப்படும் என்று அறிவிக்கப்பட்டுள்ளது.

இதன்போது முன்னாள் அமைச்சர்களான டளஸ் அழகப்பெரும, கெஹலிய ரம்புக்வெல்ல, முன்னாள் ஜனாதிபதி செயலாளர் லலித் வீரதுங்க, திறைசேரியின் முன்னாள் தலைவர் பி.பி ஜெயசுந்தர ஆகியோரும் விசாரணை செய்யப்படவுள்ளனர்.