பணம், நகை மற்றும் நன்மை தரும் ஆவிகளின் விலை 10 ஆயிரம் ரூபாய்: நூதன மோசடி

சத்தீஸ்கரில் 10 ஆயிரம் ரூபாய்க்கு பேய், பிசாசு விற்பனை செய்வதாக கூறி நூதன மோசடி நடந்துள்ளது.
ஜஸ்பூர் மாவட்டத்தில் உள்ள மலை வாழ் கிராமத்தில் தான் இந்த மோசடி நடந்துள்ளது.

படிப்பறிவு அதிகம் இல்லாத மக்களிடம் அவர்கள் பில்லி, சூனியம், மற்றும் கண் திருஷ்டி நீங்கி வீட்டில் செல்வம் கொழிக்க வேண்டுமா?

எங்களிடம் வாருங்கள் வேதாளம், பேய், பிசாசு உள்ளிட்ட ஆவிகள் மூலம் நன்மைகளை வாரி வழங்குகிறோம் என கூறியுள்ளனர்.

அவர்களிடம் சீலிடப்பட்ட பெட்டிகளை காட்டி, இந்தப் பெட்டிக்குள் நன்மை தரக்கூடிய ஆவி உள்ளது. இதன் விலை ரூ.5 ஆயிரம் முதல் 10 ஆயிரம் வரை தான்.

அதை வாங்கி சென்று வீட்டில் வைத்து விடுங்கள். உடனே அதை திறந்து பார்க்கக்கூடாது.

இரவில் திறந்து பணம், நகை, பொருள் போன்ற ஐஸ்வர்யங்களை கேட்டால் உடனே அவற்றை அந்த ஆவி வழங்கும் என கூறியுள்ளனர்.

அதனை நம்பிய மக்களில் சிலர் பணம் கொடுத்து அதை வாங்கி சென்றனர்.

ஆனால் அவர்கள் கூறியது போல எந்த ஒரு அதிசயமும் நடக்கவில்லை.

பின்னர் இதுகுறித்து பொலிசில் புகார் செய்துள்ளனர். பொலிசார் மோசடி செய்த 3 பேரை கைது செய்து சிறையில் அடைத்துள்ளனர்.