சினிமா அரங்குகளையும் விட்டு வைக்காத ஆளும் கட்சியின் தேர்தல் பிரச்சாரம்

திரையரங்களில் படங்கள் திரையிடப்படும் போது இடையில் ஆளும் ஐக்கிய மக்கள் சுதந்திர முன்னணியின் ஜனாதிபதி வேட்பாளர் மகிந்த ராஜபக்ஷவின் தேர்தல் பிரசாரப் படம் திரையிடப்படுவதாக கபே அமைப்பு தெரிவித்துள்ளது.

அரச தகவல் திணைக்களத்தினால் தயாரிக்கப்பட்ட பிரச்சாரப் படமாக இந்த படம் வெளியிடப்பட்டுள்ளது.

அரச வளங்களை தேர்தல் பிரசாரத்திற்கு பயன்படுத்தப்படுவது தேர்தல் சட்டங்களை மீறும் செயல் என கபே சுட்டிக்காட்டியுள்ளது.

மேலும், ஆளும் கட்சியின் தேர்தல் பிரச்சார நடவடிக்கைகள் சினிமா அரங்குகளையும் விட்டு வைக்கவில்லை என தேர்தல் கண்காணிப்பு அமைப்பான கபே விசனம் வெளியிட்டுள்ளது.

ஜனாதிபதி மஹிந்த ராபஜக்ச தொடர்பிலான தேர்தல் பிரச்சார விளம்பரங்கள் சினிமா அரங்குகளிலும் காட்சிப்படுத்தப்படுகின்றன.

திரைப்படங்கள் காட்சிப்படுத்தப்படும் போது ஆரம்பத்திலும் இடை நடுவிலும் ஜனாதிபதி மஹிந்த ராஜபக்சவின் தேர்தல் வெற்றியை உறுதி செய்யுமாறு கோரி பிரச்சாரம் செய்யப்படுகின்றது.

அரசாங்கத் தகவல் திணைக்களத்தினால் விளம்பரம் தயாரிக்கப்பட்டுள்ளது. இவ்வாறு அரச சொத்துக்களைப் பயன்படுத்தி எவ்வாறு விளம்பரம் தயாரிக்க முடியும் என கபே கேள்வி எழுப்பியுள்ளது.

இந்த விளம்பரங்கள் தொடர்பில் தேர்தல் ஆணையாளர் நடவடிக்கை எடுக்க வேண்டுமெனவும் கோரப்பட்டுள்ளது.