வாக்காளர் அட்டை விநியோகிக்கும் காலம் நீடிக்கப்பட்டுள்ளது

எதிர்வரும் ஜனாதிபதித் தேர்தலில் வாக்களிப்பதற்கான வாக்காளர் அட்டைகளை விநியோகிக்கும் காலம் எதிர்வரும் மூன்றாம் திகதி வரை நீடிக்கப்பட்டுள்ளது.
நாட்டில் நிலவும் சீரற்ற காலநிலை காரணமாக தேர்தல்கள் ஆணையாளரால் இந்த நடவடிக்கை மேற்கொள்ளப்பட்டதாக மேலதிக தேர்தல் ஆணையாளர் யூ.அமரதாஸ குறிப்பிட்டுள்ளார் .

வாக்காளர் அட்டை விநியோகம் கடந்த 22ம் திகதி ஆரம்பிக்கப்பட்டதோடு, எதிர்வரும் 31ம் திகதி நிறைவடையவிருந்தது. சில மாவட்டங்களில் நிலவும் சீரற்ற காலநிலை காரணமாக இந்த நடவடிக்கைகள் பாதிக்கப்பட்டுள்ளன.

இதுவரை 55% , 60% வீதமான வாக்காளர் அட்டைகள் விநியோகிக்கப்பட்டுள்ளதாக தபால் திணைக்களம் தெரிவித்துள்ளது.

இன்றைய தினம் விசேட விநியோகிக்கும் தினமாக கொண்டு வாக்காளர் அட்டைகள் விநியோகிக்கப்பதாக தபால் திணைக்கள அதிகாரி ரோஹன அபேரத்ன தெரிவித்தார்.