ஜனாதிபதியின் பொறுப்புகளுக்கான இரண்டு பதில் அமைச்சர்கள் பதவிப் பிரமாணம்

ஜனாதிபதி மைத்திரிபால சிரிசேனவின் பொறுப்பில் உள்ள தேசியப் பாதுகாப்பு, மகாவெலி அமைச்சுக்களுக்கான இரண்டு பதில் அமைச்சர்கள் பதவிப் பிரமாணம் செய்து கொண்டுள்ளனர்.
பாதுகாப்பு ராஜாங்க அமைச்சர் ருவன் விஜேவர்த்தன, பதில் தேசியப் பாதுகாப்பு அமைச்சராக பதவிப் பிரமாணம் செய்து கொண்டுள்ளார்.

மகாவெலி பிரதியமைச்சர் அனுராத ஜயரத்தின, அந்த அமைச்சின் பதில் அமைச்சராக பதவிப் பிரமாணம் செய்து கொண்டுள்ளார்.

இவர்களுக்கான பதவிப் பிரமாண நிகழ்வு இன்று காலை நடைபெற்றுள்ளது.

ஜனாதிபதி மைத்திரிபால சிரிசேன ஐக்கிய நாடுகள் அமர்வில் கலந்து கொள்வதற்காக அமெரிக்கா புறப்பட்டுள்ளதை முன்னிட்டு இந்த அமைச்சர்கள் இருவரும் பதில் அமைச்சர்களாக செயற்படவுள்ளனர்