மதுரை விமான நிலையத்தில் நடிகர் சிவகார்த்திகேயன் மீது தாக்குதல்?

மதுரை விமானநிலையத்தில் நடிகர் சிவகார்த்திகேயனை சிலர் தாக்க முயன்ற வீடியோ ஒன்று வெளியாகி பரபரப்பை ஏற்படுத்தியுள்ளது.
தூத்துக்குடி மாவட்டம், திருச்செந்தூரில் உள்ள ஆதித்தனார் பொறியியல் கல்லூரியில் சிவந்தி ஆதித்தனார் சிலை திறப்பு விழா இன்று நடைபெற்றது.

இந்த விழாவில் நடிகர்கள் கமல்ஹாசன், சிவகார்த்திகேயன், நடிகை ஹன்சிகா உள்பட முக்கிய பிரமுகர்கள் கலந்து கொண்டனர்.

இந்த விழாவில் பங்கேற்க நடிகர் கமல்ஹாசன் மதுரை விமான நிலையம் வந்த போது கமல்ஹாசனை வரவேற்க அவரது ரசிகர்கள் குவிந்திருந்தனர்.

அவர்களின் வரவேற்பை ஏற்றுக் கொண்ட நடிகர் கமல் அங்கிருந்து புறப்பட்டு சென்று விட்டார்.

பின்னர் சில மணி நேரம் கழித்து சிவகார்த்தியன் மதுரை விமான நிலையத்தில் இருந்து வெளியே வந்தபோது கமல் ரசிகர்கள் சூழ்ந்து கொண்டு தாக்க முயன்றதாக கூறப்படுகிறது.

சிவகார்த்திகேயனை பாதுகாப்புக்கு வந்திருந்தவர்கள் அங்கிருந்து பத்திரமாக அழைத்து சென்றனர்.

மேலும், ஸ்ருதிஹாசனை தரக்குறைவாக பேசியதாக கூறி சிவகார்த்திகேயனை கமல் ரசிகர்கள் தாக்கியதாக கூறப்படுகிறது.

இதனிடையே, இந்த சம்பவத்தை புதுமை நாயகன் கமல்ஹாசன் அமைதி நற்பணி இயக்கம் வன்மையாக கண்டிக்கிறது என்று தெரிவித்துள்ளது.