உலகின் வாழ்வதற்கு மிகவும் மலிவான நகரங்கள் பட்டியலில் 2 இந்திய நகரங்கள்

உலகின் வாழ்வதற்கு மிகவும் மலிவான நகரங்கள் பட்டியலில் இந்தியாவின் இரண்டு முக்கிய நகரங்கள் இடம் பெற்றுள்ளன.
சுவிஸ் வங்கியான யூபிஎஸ் உலகின் மலிவான நகரங்களையும், மிகவும் செலவு மிகுந்த நகரங்களையும் பட்டியலிட்டு அறிக்கை ஒன்றைவெளியிட்டுள்ளது.

இந்த ஆய்வு, 122 நிலையான பொருட்கள் மற்றும் வாடகை உள்ளிட்ட பிற சேவைகளின் அடிப்படையில் நடத்தப்பட்டுள்ளது.

இதில், உலகின் மலிவான 71 இடங்களில் இந்தியாவின் முக்கிய மெட்ரோ நகரங்களான டெல்லி, மும்பை, ஆகியவை இடம் பெற்றுள்ளன.

குறைந்த சராசரி சம்பளம் பெறும் நகரங்கள் பட்டியலிலும் டெல்லி, மும்பை இடம் பெற்றுள்ளன.

அதிக வாங்கும் திறன் கொண்டவர்கள் பட்டியலில் டெல்லியை விட மும்பை முன்னிலையில் உள்ளது.

மேலும், ஒரு ஆண்டுக்கு 2 ஆயிரம் மணிநேரத்திற்கும் மேலாக பணி புரியும் மக்கள் பெரும்பாலும், ஆசியா மற்றும் மத்திய கிழக்கு நாடுகளில் உள்ள 19 பெரிய நகரங்களை சேர்ந்தவர்கள் என்று அறிக்கை குறிப்பிட்டுள்ளது.