வெளிநாட்டு பெண்ணை திருடனிடம் இருந்து காப்பாற்றிய மாணவர்கள்: சிசிடிவில் பதிவான காட்சிகள்

டெல்லியில் வெளிநாட்டு பெண்மணி ஒருவரிடம் திருட முயன்ற வாலிபரை, மாணவர்கள் காப்பாற்றிய சம்பவம் சிசிடிவி கமெராவில் பதிவாகியுள்ளது.
தலைநகர் டெல்லிக்கு வேலை விடயமாக வந்த உஸ்பெகிஸ்தானைச் சேர்ந்த பெண் ஒருவர் தெற்கு டெல்லி மால்வியா நகரில் உள்ள தோழி ஒருவரின் வீட்டில் தங்கியுள்ளார்.

அவர் கடந்த மாதம் 19ம் திகதி இரவு, தோழியின் வீடு இருக்கும் பகுதியில் செல்போனில் பேசியபடியே நடந்து சென்றுள்ளார்.

அப்போது சுராஜ் என்ற நபர் அந்த பெண்ணை பின்தொடர்ந்து சென்று அவரது செல்போனை பறிக்க முயன்றுள்ளார்.

இந்த காட்சிகள் அனைத்தும் அங்குள்ள சிசிடிவி கமெராவில் பதிவாகியுள்ளது.

அந்த பெண்ணின் அலறல் சப்தம் கேட்டு அங்குள்ள மைதானத்தில் கால்பந்து விளையாடிக் கொண்டிருந்த பள்ளி, கல்லூரி மாணவர்கள் ஓடி வந்தனர்.

அதற்குள் சுராஜ் அங்கிருந்து தப்பி ஓடிய போதும், மாணவர்கள் சுராஜை விடாமல் துரத்திச் சென்று பிடித்தனர்.

மேலும், தகவல் கிடைத்த பொலிசார் சம்பவ இடத்திற்கு சென்ற போது, மாணவர்கள் சுராஜை பொலிசாரிடம் ஒப்படைத்தனர்.