ஐ.நா அறிக்கை பக்கச்சார்பானதல்ல: அமைச்சர் சம்பிக்க ரணவக்க

ஐக்கிய நாடுகள் மனித உரிமை ஆணைக்குழுவின் அறிக்கை பக்கச்சார்பானதல்ல என அமைச்சர் சம்பிக்க ரணவக்க தெரிவித்துள்ளார்.
அறிக்கையில் பரிந்துரை செய்துள்ளபடி இலங்கையில் கலப்பு நீதிமன்ற கட்டமைப்பை ஏற்படுத்துவதற்கான அரசியலமைப்பு ரீதியான சந்தப்பங்கள் இல்லை எனவும் அவர் கூறியுள்ளார்.

எவ்வாறாயினும் நாடாளுமன்றத்தில் அனுமதியின்றி எந்த வடிவத்திலான நீதிமன்றத்தையும் ஸ்தாபிக்க முடியாது என்றும் சம்பிக்க ரணவக்க குறிப்பிட்டுள்ளார்.

இலங்கையில் இடம்பெற்ற மனித உரிமை மீறல்கள் குறித்து ஐ.நா மனித உரிமை ஆணையாளர் அலுவலகம் நடத்திய விசாரணை தொடர்பில் வெளியிடப்பட்டுள்ள அறிக்கை குறித்து கருத்து வெளியிடும் போதே அமைச்சர் இதனை கூறியுள்ளார்.