விநாயகர் சதுர்த்தி கொண்டாட்டம்: சென்னையில் 2,093 இடங்களில் சிலைகள் வைக்க அனுமதி

by oviya Thu Sep 17, 2015 1:31 pm

விநாயகர் சதுர்த்தி விழாவினை முன்னிட்டு சென்னையில் மட்டும் இரண்டாயிரத்திற்கும் மேற்பட்ட இடங்களில் சிலைகள் வைத்து பொதுமக்கள் வழிபட பொலிசார் அனுமதி வழங்கியுள்ளனர்.
விநாயகர் சதுர்த்தி விழா கோலாகலமாக கொண்டாடப்படுகிறது.

விழாவினை முன்னிட்டு சென்னை உள்பட தமிழகம் முழுவதும் பல்வேறு அமைப்புகள் சார்பில் 50 ஆயிரத்திற்கும் மேற்பட்ட விநாயகர் சிலைகள் தெருக்களில் வைத்து வழிபாடு செய்யப்படுகிறது.

வழிபாட்டுக்கு வைக்கப்பட்ட விநாயகர் சிலைகள் வருகிற 20-ம் திகதி முதல் ஊர்வலமாக எடுத்துச்செல்லப்பட்டு கடலில் கரைக்கப்படும்.

சென்னை நகரில் கடந்த ஆண்டு 2093 இடங்களில் விநாயகர் சிலைகள் வைக்க அனுமதி வழங்கப்பட்டது.

அதே இடங்களில் தற்போதும் சிலைகள் வழிபாட்டுக்காக வைக்க அனுமதி வழங்கப்பட்டுள்ளது.

இந்து முன்னணி சார்பில் மட்டும் ஆயிரத்துக்கும் மேற்பட்ட பெரிய சிலைகள் வழிபாட்டுக்காக வைக்கப்படுகிறது.

மேலும் 14 அமைப்புகள் சார்பில் சென்னையில் பல்வேறு இடங்களில் சிலைகள் வழிபாட்டுக்காக வைக்கப்படுகின்றன.

விநாயகர் சதுர்த்தி விழா மற்றும் விநாயகர் சிலைகள் ஊர்வலத்தையொட்டி சென்னையில் மட்டும் 18 ஆயிரம் பொலிசார் பாதுகாப்புக்காக குவிக்கப்படுகிறார்கள்.