நாட்டை விட்டு வெளியேறினார் பாலியல் புகாரில் சிக்கிய அதிகாரி!

பாலியல் புகாரில் சிக்கிய சவுதி தூதரக அதிகாரி நாட்டை விட்டு வெளியேறிவிட்டதாக தகவல்கள் வெளியாகியுள்ளது.

டெல்லி வசந்த விகார் பகுதியில் சவுதி அரேபியா தூதரகத்தில் பணியாற்றி வந்தவர் மஜித் ஹசன் அசூர்.

இவரும், மற்றொரு தூதரும் 2 நேபாள பெண்களை விலைக்கு வாங்கி 3 மாதமாக பாலியல் பலாத்காரம் செய்து வந்ததாக தகவல்கள் வெளியாகி பரபரப்பை ஏற்படுத்தியது.

இதனையடுத்து அந்த இடத்திற்கு சென்ற குர்கான் நகர பொலிசார், அங்கு சென்று அவர்களை மீட்டனர்.

இந்த குற்றச்சாட்டை சவுதி அரேபிய தூதரகம் மறுத்தது. போலீஸ் விசாரணைக்கு ஒத்துழைக்கச் சொல்லுமாறு இந்தியா கேட்டுக்கொண்டதற்கு சவுதி அரேபிய தூதரகம் எந்த பதிலும் தெரிவிக்காமல் இருந்தது.

இந்நிலையில், புகாருக்குள்ளான தூதரக அதிகாரி அசூர், இந்தியாவை விட்டு வெளியேறி விட்டதாக நேற்று தகவல் வெளியானது.

இதை மத்திய வெளியுறவு அமைச்சக செய்தித்தொடர்பாளர் விகாஸ் ஸ்வரூப் உறுதிப்படுத்தியுள்ளார்.