இலஞ்ச ஊழல் ஆணைக்குழு கலைக்கப்படாது: ஜனாதிபதி ஊடகப் பிரிவு

இலஞ்சம், ஊழல் மற்றும் மோசடி விசாரணை ஆணைக்குழுவை கலைப்பது தொடர்பாக எந்தத் தீர்மானங்களையும் எடுக்கவில்லை என ஜனாதிபதியின் ஊடகப் பிரிவு தெரிவித்துள்ளது.
ஆணைக்குழு இந்த வாரம் கலைக்கப்படவிருப்பதாக சில பத்திரிகைகள் செய்திகளை வெளியிட்டுள்ளதாக ஜனாதிபதியின் ஊடகப் பிரிவு குறிப்பிட்டுள்ளது.

ஆணைக்குழுவை நியமிப்பது, உறுப்பினர்களை நியமிப்பது என்பன 19வது அரசியலமைப்புச் சட்டத்திற்கு அமைய முன்னெடுக்கப்பட வேண்டும் என்ற போதிலும் அதனை கலைக்கும் அதிகாரம் இல்லை.

அரசியலமைப்புச் சபையின் உறுப்பினர்கள் நியமிக்கப்பட்ட பின்னர், இலஞ்ச ஊழல் ஆணைக்குழுவுக்கு ஆணையாளர்கள் நியமிக்கப்படுவார்கள் எனவும் ஜனாதிபதியின் ஊடகப் பிரிவு மேலும் தெரிவித்துள்ளது