மேல் மாகாண முதலமைச்சர் பதவிக்காக பலர் போட்டி

மேல் மாகாண முதலமைச்சர் பதவியை பெற்றுக்கொள்ள பலர் போட்டியிட்டு வருவதாகத் தெரிவிக்கப்படுகிறது.
மேல் மாகாண முதலமைச்சராக கடமையாற்றி வந்த பிரசன்ன ரணதுங்க இம்முறை நாடாளுமன்றத் தேர்தலில் போட்டியிட்டு வெற்றியீட்டியுள்ளார்.

இவ்வாறு தேர்தலில் போட்டியிட்டு வெற்றியீட்டியதனால் ஏற்பட்டுள்ள முதலமைச்சர் வெற்றிடத்திற்காக பலரும் போட்டியிட்டு வருவதாகத் தெரிவிக்கப்படுகிறது.

மேல் மாகாணசபையின் சிரேஸ்ட உறுப்பினரான ஹெக்டர் பெத்மகே உள்ளிட்ட பலரும் முயற்சித்து வருகின்றனர்.

ஹெக்டர் பெத்மகே ஜனாதிபதி மைத்திரிபால சிறிசேனவிடம் தம்மை முதலமைச்சராக்குமாறு கோரியுள்ளார்.

மாகாணசபையின் தவிசாளர் சுனில் விஜேரட்ன அமைச்சர்களான காமினி திலகசிறி ரஞ்சித் சோமவன்ச ஆகியோரும் இவ்வாறு முதலமைச்சர் பதவியை வழங்குமாறு கோரியுள்ளனர்.

மாகாணசபையின் சிலர் முன்னாள் ஜனாதிபதி சந்திரிக்காவை நாடி பதவிக்காக சிபாரிசு செய்யுமாறு கோரி வருவதாக மாகாணசபையின் சிரேஸ்ட உறுப்பினர் ஒருவர் தெரிவித்துள்ளார்.