பொது இடத்தில் பெண் எழுத்தாளரை பார்த்து சுய இன்பம் அனுபவித்த நபர்

மும்பையில் பெண் எழுத்தாளர் ஒருவர், தன்னை பார்த்து சுய இன்பம் அனுபவித்த நபரை புகைப்படம் எடுத்து ட்விட்டரில் பகிர்ந்துள்ளார்.
மும்பையில் வசித்து வரும் மரியானா அப்டோ என்ற பெண் எழுத்தாளர் திங்கட்கிழமை வெளியே சென்ற போது, நபர் ஒருவர் பொது இடத்தில் மரியானாவை பார்த்துக் கொண்டே சுய இன்பம் அனுபவித்துள்ளார்.

இதை பார்த்து அதிர்ச்சி அடைந்த அவர் அந்த நபரை தனது செல்போனில் புகைப்படம் எடுத்தார்.

இந்நிலையில், சிலர் அந்த நபரை விரட்ட வந்த போது, அந்த நபர் அங்கிருந்து தப்பியோடிவிட்டார்.

மரியானா அந்த நபரின் புகைப்படத்தை ட்விட்டரில் பதிவிட்டு, நடவடிக்கை எடுக்க உதவுமாறு தெரிவித்திருந்தார்.

இதையடுத்து, மகாராஷ்டிர முதல்வர் தேவேந்திர பட்னாவிஸின் அலுவலக ட்விட்டரில் இருந்து மரியானா அப்டோவிற்கு பதிலளித்துள்ளனர்.

அதில், முதல்வர் இது குறித்து விசாரணை நடத்துமாறு துணை சி.பி. தேவன் பாரதிக்கு உத்தரவிட்டுள்ளார் என்று தெரிவிக்கப்பட்டுள்ளது.

பின்னர் மரியானா அந்த நபரின் புகைப்படத்துடன் போட்ட பதிவை அழித்துவிட்டார்.