ஜீ.எஸ்.பி சலுகை மீளப்பெற்றுக்கொள்ளப்படும்: பிரதமர்

ஜீ.எஸ்.பி சலுகை மீளப்பெற்றுக் கொள்ளப்படும் என பிரதமர் ரணில் விக்ரமசிங்க தெரிவித்துள்ளார்.
அலரி மாளிகையில் நடைபெற்ற நிகழ்வு ஒன்றில் பங்கேற்று அவர் இதனைத் தெரிவித்துள்ளார்.

ஐரோப்பாவினால் தடை செய்யப்பட்ட ஜீ.எஸ்.பி சலுகையை மீளப் பெற்றுக்கொள்ள நடவடிக்கை எடுக்கப்படும்.

இவ்வாறு சலுகையை பெற்றுக் கொண்டால், ஊழியர்களினால் உணரக் கூடிய சம்பள உயர்வினை நிறுவன உரிமையாளர்கள் வழங்க முடியுமா என கேள்வி எழுப்பியுள்ளார்.

சலுகைத் திட்டம் மீளவும் அமுல்படுத்தப்பட்டால் சம்பளத்தை உயர்த்த முடியும் என முதலீட்டாளர்கள் மற்றும் நிறவன உரிமையாளர்கள் பிரதமரிடம் தெரிவித்துள்ளார்.

முன்னாள் ஜனாதிபதி மஹிந்த ராஜபக்ச ஆட்சிக் காலத்தில் ஜீ.எஸ்.பி பிளஸ் வரிச் சலுகை ரத்து செய்யப்பட்டது.

மனித உரிமை காரணங்களுக்காக இவ்வாறு சலுகைத் திட்டம் ரத்து செய்யப்பட்டிருந்தமை குறிப்பிடத்தக்கது.