மகிந்த கோஷ்டியிடம் இருந்து சுதந்திரக் கட்சியை மீட்கவே மீண்டும் அரசியல் மேடையேறினேன்!- சந்திரிக்கா

ஐக்கிய தேசியக் கட்சியின் மேடையில் ஒருபோதும் ஏறப்போவதில்லை என முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார்.
குருநாகலில் பிரஜைகள் சக்தி அமைப்பு நேற்று நடத்திய பொதுக் கூட்டம் ஒன்றில் பேசும் போதே அவர் இதனை கூறியுள்ளார்.

ஸ்ரீலங்கா சுதந்திரக் கட்சியிலேயே நான் பிறந்தேன். ஸ்ரீலங்கா சுதந்திரக் கட்சியிலேயே இறப்பேன்.

அரசியலில் இருந்து ஒதுங்கி அமைதியாக வீட்டில் இருந்தேன்.

மகிந்த ராஜபக்ச தலைமையிலான துஷ்ட சக்திகளினால், அழிவுக்கு உள்ளாகியுள்ள ஸ்ரீலங்கா சுதந்திரக் கட்சியை காப்பாற்றுவதற்காகவே மீண்டும் அரசியல் மேடையில் ஏறநேர்ந்தது எனவும் சந்திரிக்கா பண்டாரநாயக்க குறிப்பிட்டுள்ளார்.