கடாய் சாதம் (எலுமிச்சை)

1. சாதம் - 2 கப்
2. எலுமிச்சை - 1 (சாறு எடுக்கவும்)
3. வெங்காயம் - 1/2 (பொடியாக நறுக்கியது)
4. பூண்டு - 5 பல் (நசுக்கியது) [விரும்பினால்]
5. கடுகு - 1/2 தேக்கரண்டி
6. சீரகம் - 1/2 தேக்கரண்டி
7. உளுந்து - 1 தேக்கரண்டி
8. கடலை பருப்பு - 1 தேக்கரண்டி
9. மிளகாய் வற்றல் - 3 (அ) பச்சை மிளகாய் - 2 (கீரியது)
10. கருவேப்பிலை
11. உப்பு
12. மஞ்சள் தூள் - 1/2 தேக்கரண்டி


சாதம் உதிரியாக வடித்து வைக்கவும். (இரவு சாதம் இருந்தால் கெட்டி இல்லாமல் உதிரியாக்கவும்).
எலுமிச்சை சாறு, தண்ணீர், உப்பு, மஞ்சள் தூள் கலந்து வைக்கவும்.
இதை சாதத்தில் நன்றாக கலந்து 1 மணி நேரம் ஊற வைக்கவும். (இரவு சாதம் என்றால் இரவே கலந்து வைத்து விடவும்)
கடாயில் எண்ணெய் 1 குழிக்கரண்டி விட்டு காய்ந்ததும், கடுகு, சீரகம், உளுந்து, கடலை பருப்பு போட்டு தாளிக்கவும்.
இதில் மிளகாய் வற்றல் (அ) பச்சை மிளகாய், வெங்காயம் சேர்த்து வதக்கவும்.
வெங்காயம் வதங்கியதும், பூண்டு, கருவேப்பிலை சேர்த்து வதக்கவும்.
இதில் சாதத்தை கொட்டி கிளரவும். மிதமான தீயில் ஒரு 10 - 15 நிமிடம் கிளரவும்.