காலிஃப்ளவர் மஞ்சூரியன் (கிரேவி)

காலிஃப்ளவர் சிறியது - ஒன்று
தக்காளி - 3
வெங்காயம் - 3
வெங்காயத்தாள் - சிறிது
சோயாசாஸ் - ஒரு தேக்கரண்டி
கிரீன் சில்லி சாஸ் - 2 தேக்கரண்டி
ரெட் சில்லி சாஸ் - ஒரு தேக்கரண்டி
பூண்டு - 6 பற்கள்
சர்க்கரை - 1/4 தேக்கரண்டி
உப்பு - சுவைக்கு
எண்ணெய் - தேவையான அளவு
காஷ்மீரி மிளகாய்த் தூள் - 2 தேக்கரண்டி
மைதா மாவு - 2 மேசைக்கரண்டி
கார்ன் மாவு - 2 மேசைக்கரண்டி



வெங்காயத்தை தோல் உரித்து பொடியாக நறுக்கி வைத்துக் கொள்ளவும். பூண்டை நீளவாக்கில் நறுக்கிக் கொள்ளவும்.


காலிஃப்ளவரை சிறுத் துண்டுகளாக நறுக்கி கொதி நீரில் போட்டு வடிகட்டி எடுத்துக் கொள்ளவும்.


தக்காளியை கொதிநீரில் போட்டு தோல் உரித்து மிக்ஸியில் அரைத்துக் கொள்ளவும்.


வாணலியில் எண்ணெய் ஊற்றி காய்ந்ததும் நீளவாக்கில் நறுக்கிய பூண்டை போட்டு சிறிது நேரம் வதக்கவும். அதனுடன் பொடியாக நறுக்கிய வெங்காயத்தை போட்டு வதக்கவும்.


வெங்காயம் நன்கு வதங்கியதும் அதில் அரைத்து வைத்திருக்கும் தக்காளி விழுதினை ஊற்றவும்.


அதனுடன் உப்பு, சர்க்கரை, சாஸ் வகைகள் சேர்த்து நன்கு ஒன்றாகும்படி கிளறி விடவும்.


தண்ணீர் வடித்து வைத்திருக்கும் காலிஃப்ளவருடன் உப்பு, சிறிதளவு எண்ணெய் மிளகாய்த்தூள் சேர்த்து பிசறவும். காஷ்மீரி மிளகாய்த்தூள் இல்லாவிட்டால் சாதாரண மிளகாய்த்தூள் சேர்க்கலாம். பிசறும் போது சிறிது கேசரிப்பவுடர் சேர்க்கவும்.


பிசறிய காலிஃப்ளவருடன் மைதா, கார்ன் மாவு சேர்த்து பிசறி ஓவனில் மொறுமொறுப்பாகும் வரை க்ரில் பண்ணவும். ஓவன் தட்டில் காலிஃப்ளவரை பரப்பியதும் மேலாக 1 டீஸ்பூன் அளவுக்கு எண்ணெய் தெளித்த பின்னர் க்ரில் செய்யவும். இப்படி கிரில் பண்ணுவதன் மூலம் எண்ணெய் குறைவாக உபயோகிக்க முடியும்.


கிரேவியிலிருந்து எண்ணெய் பிரியும் வரை நன்கு வதக்கி விட்டு பின்னர் இறக்கவும்.


கிரேவியில் க்ரில் செய்த காலிஃப்ளவரை கலந்து, பொடியாக நறுக்கிய ஸ்பிரிங் ஆனியனை தூவவும்.


சுவையான காலிஃப்ளவர் மஞ்சூரியன் ரெடி. இதனை சப்பாத்தி, நாண், புல்கா, பரோட்டா போன்றவற்றுடன் பரிமாறவும்.