மக்கள் நன்மைகளை விட தேர்தலில் போட்டியிடும் நபர்களை மதிப்பிட்டுள்ளனர்: ராஜித

பொதுத் தேர்தலில் மக்கள் தமக்கு கிடைக்கும் நன்மைகளை விட தேர்தலில் போட்டியிடும் நபர்கள் பற்றி நல்ல மதிப்பீட்டுடன் செயற்பட்டு வருவதாக அமைச்சர் ராஜித சேனாரத்ன தெரிவித்துள்ளார்.
அரசாங்க தகவல் திணைக்களத்தில் இன்று நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில் அவர் இதனை கூறியுள்ளார்.

கனவான் அரசியல் பற்றி பேசும் மக்கள் மத்தியில், அப்படி பணியாற்ற கூடிய அரசியல்வாதிகளுக்கு மதிப்பு உள்ளது.

இந்த அரசியல்வாதிகளின் தேர்தல் பிரசாரம் ஏனையவர்களை விட முன்னிலையில் உள்ளது எனவும் ராஜித சேனாரத்ன குறிப்பிட்டுள்ளார்.