பொலிஸ் அதிகாரி மற்றும் இரு விமானிகளுடன் மாயமான ஹெலிகொப்டர் வனப்பகுதியில் கண்டுபிடிப்பு

அசாம் மாநிலத்தில் இருந்து பொலிஸ் அதிகாரி மற்றும் இருவருடன் மாயமான ஹெலிகொப்டர் கிடைத்துவிட்டதாக தகவல் வெளியாகியுள்ளது.

இரண்டாம் இணைப்பு:

அசாமில் இருந்து அருணாச்சலம் நோக்கி சென்ற ஹெலிகொப்டர் மாயமானதை அடுத்து இந்திய விமானப்படையும் வான்பகுதி மூலமாக தீவிரமாக தேடும் பணியில் ஈடுபட்டது.

இந்நிலையில், திராப் வனப்பகுதியில் ஹெலிகாப்டர் விழுந்துள்ளது கண்டுபிடிக்கப்பட்டுள்ளது என்று பிடிஐ செய்தி நிறுவனம் செய்தி வெளியிட்டுள்ளது.

முதல் இணைப்பு:

அசாமில் அரசுக்கு சொந்தமான மின் உற்பத்தி நிறுவனம் தனது பணிக்காக 'டாபின் எண்3' என்ற ஹெலிகொப்டர் ஒன்றை பயன்படுத்தி வருகின்றது.

திப்ருகர் நகரத்திலிருந்து அருணாச்சலப் பிரதேசத்திற்கு இன்று காலை விமானி, துணை விமானி மற்றும் ஒரு பொலிஸ் உயரதிகாரியுடன் புறப்பட்டு சென்றது.

பின்னர் ஹெலிகொப்டரின் விமான போக்குவரத்து கட்டுப்பாட்டு அறையுடனான தொடர்பு சிறிது நேரத்தில் துண்டிக்கப்பட்டுள்ளது.

ஹெலிகொப்டர் எங்கே போனது என்பது தொடர்பான தகவல் ஏதும் தெரியாததால் தேடும் பணி மிக தீவிரமாக நடைபெற்று வருகிறது.