ஐ.தே.முன்னணி 8 மாகாணங்களில் பெரும்பான்மை பெறும்!– ரணில் நம்பிக்கை

பொதுத் தேர்தலில் ஐக்கிய தேசிய முன்னணி 8 மாகாணங்களில் பெரும்பான்மை வாக்குகளை பெறும் என பிரதமர் ரணில் விக்ரமசிங்க தெரிவித்துள்ளார்.
வவுனியாவில் நடைபெற்ற பொதுக் கூட்டம் ஒன்றில் பேசும் போதே அவர் இதனை கூறியுள்ளார்.

ஐக்கிய தேசிய முன்னணியின் 8 மாகாணங்களில் பெரும்பாமையை பெறும். வன்னியிலும் பிரதிநிதிகள் அவசியம்.

ஐக்கிய மக்கள் சுதந்திர முன்னணியினால் எந்த பயனுமில்லை. வவுனியாவில் வாழும் சிங்கள் மக்கள் மீது அக்கறை இருந்தால், புலிகளுக்கு ஆயுதங்களை கொடுத்த, தலதா மாளிகை மீது குண்டு தாக்குதல் நடத்திய கே.பியை ஏன் கிளிநொச்சிக்கு அழைத்து வந்து விட்டனர்?.

கே.பிக்கு அரச சுகபோங்களை வழங்கி, நிரந்தர நியமனத்தை வழங்கினர். ஆனால், சிவில் பாதுகாப்பு படையினருக்கு நிரந்த நியமனங்களை வழங்க முடியாது என ஐக்கிய மக்கள் சுதந்திர முன்னணி அரசாங்கம் தெரிவித்தது எனவும் ரணில் விக்ரமசிங்க குறிப்பிட்டுள்ளார்.