நிஷாந்த முத்துஹெட்டிகமவை கைது செய்ய சர்வதேச பொலிஸாரின் உதவியை நாடும் பொலிஸார்

பிரதி அமைச்சர் நிஷாந்த முத்துஹெட்டிகமவின் பிடியானையை அமுல்படுத்துவதற்கு சர்வதேச பொலிஸாரின் உதவியை பெற்றுக்கொள்ளவுள்ளதாக பொலிஸ் தலைமையகம் தெரிவித்துள்ளது.
நீதிமன்றத்தினால் பிடியாணை உத்தரவு பிறப்பிக்கப்பட்டுள்ள நிலையில் நேற்று நாட்டை விட்டு வெளியேறிய, பிரதி அமைச்சர் நிஷாந்த முத்துஹெட்டிகம நீண்டகாலத்திற்கு இலங்கை திரும்பாவிடின், அவர் மீதான பிடியாணையை அமுல்படுத்துவதற்காக சர்வதேச பொலிஸாரின் உதவியைப் பெற்றுக்கொள்ள எதிர்ப்பார்ப்பதாக பொலிஸ் தலைமையகம் தெரிவித்துள்ளது.