மகிந்தவின் கூட்டத்தை புறக்கணிக்கும் மகிந்த சமரசிங்க

அமைச்சர் நந்திமித்ர ஏக்கநாயக்கவிற்கு எதிராக அண்மையில் கூட்டம் ஒன்றில் ஊ சத்தமிட்டு அவமதிக்கும் நடவடிக்கையில் ஈடுபட சிலர் தயாராகி வருவதால், ஐக்கிய மக்கள் சுதந்திர முன்னணியின் களுத்துறை மாவட்ட பிரதான பொதுக் கூட்டத்தில் கலந்து கொள்ள போவதில்லை என முன்னாள் அமைச்சர் மகிந்த சமரசிங்க தெரிவித்துள்ளார்.
கொழும்பில நேற்று நடைபெற்ற ஊடகவியலாளர் சந்திப்பில் அவர் இதனை குறிப்பிட்டுள்ளார்.

களுத்துறை மாவட்ட பிரதான கூட்டம் ஐக்கிய மக்கள் சுதந்திர முன்னணியின் குருணாகல் மாவட்ட முதன்மை வேட்பாளர் மகிந்த ராஜபக்ச தலைமையில் நடைபெறவுள்ளது.

அதேவேளை தேர்தலின் பின்னர் தேசிய அரசாங்கம் அமைக்கப்பட மாட்டாது எனவும் தேசிய அரசாங்கம் என்ற எண்ணக்கரு பிரதமர் ரணில் விக்ரமசிங்கவின் கருத்து மாத்திரமே எனவும் மகிந்த சமரசிங்க கூறியுள்ளார்.

களுத்துறை மாவட்ட பிரதான கூட்டத்தில் மகிந்த சமரசிங்க கலந்து கொண்டால், அவருக்கு எதிராக ஊ சத்தம் இடுவதற்கான நபர்களை ஒருங்கிணைக்கும் நடவடிக்கைகளை இரண்டு முன்னாள் அமைச்சர்கள் மேற்கொண்டதாக கூறப்படுகிறது.