எனக்கு பயந்தே சஜித் கொழும்பை விட்டு சென்றார்: விமல் பெருமிதம்

கொழும்பு, கெசெல்வத்தையில் பிறந்த சஜித் பிரேமதாஸ ஹம்பாந்தோட்டையில் போட்டியிடுவது தன் மீது கொண்டுள்ள பயத்தின் காரணமாகவா என்று தேசிய சுதந்திர முன்னணி தலைவர் விமல் வீரவன்ச கேள்வியெழுப்பியுள்ளார்.
பெலியத்த பிரதேசத்தில் முன்னாள் ஜனாதிபதி மஹிந்த ராஜபக்ச தலைமையில் இடம்பெற்ற மக்கள் சந்திப்பில் கலந்துகொண்டு கருத்து தெரிவிக்கும் போதே இவ்வாறு குறிப்பிட்டுள்ளார்.

ஹம்பாந்தோட்டையில் இருந்து மஹிந்த ராஜபக்ச குருணாகலைக்கு தப்பியோடியது தன் மீது காணப்பட்ட பயத்தினால் என சஜித் பிரேமதாஸ கருத்து வெளியிட்டமைக்கு சவால் விடுக்கும் வகையில் விமல் வீரவன்ச இவ்வாறு கருத்து வெளியிடுள்ளார்.

2004, 2010 பொது தேர்தலில் கொழும்பு மாவட்டத்தில் விமல் வீரவன்ச அதிக வாக்குகளை பெற்றுக்கொண்ட ஒருவராகும்.

மஹிந்த ராஜபக்சவுக்கு செய்ய முடியாத மாற்றத்தை அன்னத்தினால் செய்ய முடியும் என பலர் நம்பி ஏமாற்றமடைந்துள்ளார்கள் என விமல் வீரவன்ச மேலும் குறிப்பிட்டுள்ளார்.