சுதந்திர கட்சி விமலுக்கு அடிப்பணிந்துள்ளது: கயந்த

இலங்கை பிரதான அரசியல் கட்சியான ஸ்ரீலங்கா சுதந்திர கட்சி மிக மோசமான நிலைமையில் காணப்படுவதாக ஊடக அமைச்சர் கயந்த கருணாதிலக்க தெரிவித்துள்ளார்.
சிறிகொத்த கட்சி தலைமையகத்தில் இன்று இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

தொடர்ந்து கருத்து வெளியிட்டவர்,

ஸ்ரீலங்கா சுதந்திர கட்சி என்பது இலங்கையின் பிரதான கட்சியாகும். நாட்டை ஆட்சி செய்த ஒரு கட்சியாகும்.

ஆனால் ஸ்ரீலங்கா சுதந்திர கட்சியின் இன்றைய நிலைமையை பார்க்கும் போது மிகவும் வருத்தம் அடைகின்றோம்.

விமல் வீரவன்சவின் கொள்கைக்கு ஸ்ரீலங்கா சுதந்திர கட்சி அடிப்பணிந்து காணப்படுவதனை பார்க்கும் போது மிகவும் வருத்தமாக உள்ளது.

எந்த ஒரு காலத்திலும் இல்லாத வகையில் இம்முறை கூட்டணியிலும், சுதந்திர கட்சியிலும் போட்டியிடுவதற்கு வேட்பாளர்கள் தெரிவு செய்யப்பட்டுள்ளதாக அவர் மேலும் குறிப்பிட்டுள்ளார்.